Кај Стариот чинар во Охрид од вечерва се одржува Фестивалот „Вино и сирење 2019“
Со вечерашното отворање на Фестивалот „Вино и сирење 2019“, Општина Охрид и Секторот за локален туристички и економски развој стартуваат со годинешните манифестации за промоција на локални продукти, производи и занаети.
Дводневниот фестивал „Вино и сирење“ им отвора можност за локалните производители на вино и сирење да ги презентираат своите производи на пазарот. Манифестацијата претставува своевиден мини-саем на кој се презентираат виното и сирењето како дел од традиционалната македонска гастрономија.
Веќе од недела на истата локација, на плоштадот „Крушевска република“ кај Стариот чинар почнува манифестацијата „Денови на медот“, манифестација на која до 13 август ќе се промовираат медот и производите од мед, а истата ќе биде одлична можност за охриѓани и гостите во Охрид да вкусат квалитетен мед и производи од мед.
Терминот од 14 до 16 август е резервиран за манифестацијата „Охрид крафт експо“, осмислена за промоција на занаетчиството и занаетчиите, односно нивните производи и услуги, приближување на занаетчиството до младите луѓе, до граѓаните и до институциите. Истовремено манифестацијата има за цел да поттикне континуирана кампања за промоција на занаетчиството како фактор за економски развој, за зачувување на традицијата и културата на нашата земја, како и можност за подобрување на квалитетот на живеење на граѓаните кои се занимаваат со занаетчиска дејност.
Сите три манифестации се интересни и за странските гости што летуваат во Охрид, оттаму што нудат можност да се дегустираат и купат локални еколошки незагадени производи и да се видат традиционални занаетчиски вештини.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка