Кадри Весели е новиот лидер на Демократската партија на Косово
Претседателот на косовскиот Парламент, Кадри Весели е нов лидер на владеачката Демократска партија на Косово,ДПК (PDK).
Со јавно гласање, 740-те делегати на седмата вонредна Конвенција на ДП едногласно му ја дадоа довербата на Весели да ја раководи партијата.
-Животот ме научил дека нема ништо посвето од довербата на човекот и благодарам за оваа доверба. Ви благодарам за довербата за која секогаш ќе ви бидам благодарен, изјави Весели пред делегатите заблагодарувајќи се на довербата.
Тој најави дека сите заедно ги чека уште многу работа за земјата и партијата.
-Заедно со Вас веднаш ќе почнеме со работа и онаму каде има застој ќе ги признаеме грешките и ќе работиме за подобри денови, за да обезбедиме подобра иднина на граѓаните, додаде Весели, гарантирајќи дека ќе продолжи сојузот со САД.
Специјална благодарност Весели упати до досегашниот лидер на партијата Хашим Тачи.
-Мојата прва и посебна благодарност е за човекот кој ја предводеше,изгради и формира ДП, претседателот на Република Косово, Хашим Тачи, рече Весели.
Седумнаесет години на чело на најголемата партија на Косово, се до 1 март годинава, беше Хашим Тачи, кој по изборот за претседател на Косово се повлече од функцијата претседател на партијата ,како и од функцијата потпретседател на косовската влада и шеф на дипломатијата.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ