Кацин: Ситуацијата со Ковид-19 во Словенија полека се стабилизира
Портпаролот на словенечката Влада Јелко Кацин денеска изјави дека бројот на тестирања за Ковид-19 не се намалува, но дека бројот на нови случаи покажува дека состојбата полека се стабилизира, што, како што рече, е охрабрувачки.
Тој на прес-конференцијата рече дека досега се забележани 11 локални извори на нови случаи, додека епидемиолозите имале проблеми со луѓе кои не сакале или не можеле да кажат како се заразиле со коронавирусот, пренесува СТА.
Кацин додаде дека растечките трендови на вирусот во Италија и Унгарија се повеќе загрижувачки, а исто така загрижува и ситуацијата во Хрватска и Босна и Херцеговина.
Според него, засега владата не планира да ја затвори границата како што направи минатата пролет, а не се разгледува ниту затворање на општините.
Исто така, Кацин информираше дека нема да се затворат училиштата до крајот на септември, како што се шпекулираше во јавноста откако неколку одделенија беа ставени во карантин.
Во последните 24 часа, во Словенија се евидентирани 42 нови случаи на коронавирус, што го зголеми вкупниот број на заразени на 3.232 од почетокот на пандемијата.
Во моментов, 546 случаи се активни во таа земја, а вкупно починале 135 лица.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово