Кабинетот на Пендаровски информиран дека се бара враќање на едно возило што го користи претседателот
Информирани сме дека постои интерен допис во чии рамки се бара враќање на едно возило кое го користи претседателот. Не знаеме кој е мотивот за ваквиот допис, но напоменуваме дека безбедноста на претседателот е законска обврска на МВР, велат од Кабинетот на претседателот Стево Пендаровски во врска со барањето на техничкиот министер за внатрешни работи Наќе Чулев да се вратат 35 службени возила претходно распределени од техничкиот премиер Оливер Спасовски во повеќе институции.
-ВМРО-ДПМНЕ повторно и упорно ја манипулира јавноста со лажни вести и информации, а од друга страна е кристално јасно дека една политичка партија нема механизми за докажување какви било злоупотреби, па ниту злоупотреби на возила, реагираше денеска СДСМ.
Според ВМРО-ДПМНЕ, пак, власта е во паника поради откривањето дека возила се користеле за приватни цели.
-Заев, Спасовски и Петровска се во паника затоа што се гледа дека Лазе Евридики, не е единствениот кој полициските службени возила ги злоупотребувал за лични потреби. Лазе ќерката си ја развозуваше по грчки кампови, а за соработниците на Спасовски не се знае ниту каде ги управуваат возилата, рече Орце Ѓоргиевски од ВМРО-ДПМНЕ.
Во врска со одлуката за прераспределба на полициски службеници, СДСМ нагласува дека Чулев ја доведува во опасност безбедноста на границата, на највисоките државни претставници, како и на амбасадите во земјава.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање