Кабинет на Иванов: Одговорно, совесно и транспарентно располагаме со буџетските средства
Кабинетот на претседателот на Република Македонија, Ѓорге Иванов, изминатите девет години, максимално одговорно, совесно и на транспарентен начин располага со буџетските средства.
Ова се наведува во реакцијата на Кабинетот на претседателот во врска со соопштението од Владата во кое се посочува дека Иванов не одговорил на поканата да ја прифати Алатката за отчетност, со што одбива да ги информира граѓаните за неговите службени трошоци.
Од Кабинетот на Иванов потенцираат дека сите јавни набавки од нивна страна се извршени на максимално транспарентен начин и согласно сите законски регулативи и истите се јавно достапни. Ова, како што посочуваат, го потврдуваат и ревизорските извештаи за работењето на Кабинетот на претседателот спроведени од страна на Државниот завод за ревизија.
Со цел објективно информирање на јавноста, Кабинетот на претседателот на Република Македонија, како и досега, така и во иднина, целосно стои на располагање за било какви информации кои се однесуваат на финансиското работење и трошењето на народните пари за службени потреби. Со оглед на тоа дека постојат механизми за проверка на финансиското работење на државните институции, Кабинетот на претседателот нема законска обврска да прифаќа дополнителни „алатки“, стои во реакцијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка