Јункер: Романија го заслужува местото во Шенген зоната
Претседателот на Европската комисија Жан Клод Јункер изјави денеска во обраќање пред романскиот Парламент дека Романија го заслужува своето место во Европската унија и Шенген зоната.
- Романија природно го заслужува своето место во редовите на ЕУ и во Шенген зоната. Критериумите за приклучување кон Шенген зоната беа јасни и тука го кажувам ова уште еднаш, не треба да ги усложнуваме тие критериуми, рече Јункер.
- Романија треба да стане членка на Шенген зоната колку што е можно поскоро, бидејќи тоа го заслужува, додаде Јункер пред романските пратеници во обраќањето по повод десет години од влезот во ЕУ.
Претседателот на ЕК изјави дека Механизмот за соработка и проверка се спроведува добро и не е потребно да се воведуваат нови критериуми и барања на веќе постоечките.
Јункер додаде дека изминатите десет години Романија вложува важни напори во реформите на судскиот систем и во борбата против корупцијата и нагласи дека завршувањето на Механизмот за соработка и проеверка не треба да значи крај или запирање на реформите.
Претседателот на ЕК во рамки на посетата на Романија ќе се сретне со претседателот Клаус Јоханис и премиерот Сорин Гриндјану.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај