Јункер промовира нова европска одбранбена политика
Претседателот на Европската комисија, Жан-Клод Јункер во интервју за изданијата на медиумската група „Функе“ промовира план за нова единствена европска одбранбена политика.
- Има три конкретни проекти кон кои треба да се насочиме во следните месеци: создавање единствен оперативен штаб, учество на силите за брза реакција на ЕУ во операции во кризни жаришта и создавање на европски одбранбен фонд за развој на воената индустрија, нагласи Јункер во интервјуто, чии делови пренесува ДПА.
Според Јунекр, здружувањето на силите на земјите членки на ЕУ во заеднички одбранбен систем има и политичка и економска логика.
- Таа соработка ќе овозможи заштеда од 25 до 100 милијарди евра годишно. Тие средства би можеле да ги искористиме за други цели, смета Јункер.
Тој сепак признава дека идејата за создавање на единствена европска армија е замисла која нема да може да се реализира во блиска иднина.
- Ќе мине уште многу време пред да имаме единици под знамето на ЕУ или војници во европска униформа, додава Јункер во интервјуто.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка