Тенис
16. May 2017 - 16:04

Јотовски во маратонски меч победи во првото коло на турнир во Замарди

Најдобриот македонски тенисер Томислав Јотовски во маратонски меч по 2 часа и 44 минути игра успеа да постигне победа во 1.коло на фјучрсот во Замарди, Унгарија. Тој го победи Домагој Биљешко од Хрватска со 2-1 во сетови (6:4; 5.7 и 6:2 во гемови).

Во првиот сет Јотовски успеа да направи пресврт и од 4:2 за ривалот го доби првиот сет со 6:4. Во вториот беше максимално изедначено и по 5:3 за Биљешко, Јотовски изедначи на 5:5 но сепак хравтскиот тенсиер ги доби последните два гема од сетот.
Во решавачкиот сет Јотовски почна фуриозно и поведе со 4:0 за предноста да ја зачува до крајот на сетот - 6:2.
Нашиот тенисер имаше подобра искористеност на брејк топки 9/12, додека противникот имаше 7/14.
Во следното коло (утре) Јотовски ќе игра против Кен Ониши од Јапонија (807 АТП листа), кој го победи со 2-1 во сетови осмиот носител Михал Шмит (Чешка).
Нашиот тенисер утре ќе игра и меч од четвртфиналето од турнирот во двојки каде заедно со Милан Радојковиќ од  Србија ќе играат против вторите носители Унгарците Габор Борсос и Адам Келнер.