Тенис
8. January 2017 - 21:56

Јотовски експрес(но) во 3.коло од квалификациите на фјучрсот во Мајами

Најдобриот македонски тенисер Томислав Јотовски по успешно одработените подготовки во Мексико новата сезона ја почна со настап на фјучср турнир во Мајами (награден фонд 15.000 долари). Во квалификациите на овој турнир играа 128 играчи, а Јотовски се избори за меч во 4.коло од квалификациите.

Тој во мечот од 3.коло експресно со 6:0 и 6:0 во сетови го совлада Иван Калинин од Русија. По тешката победа во 2.то квалификациско коло над Американецот Мек Клеин Кеслер 7:6 и 7:5 во сетови, нашиот тенисер успешно мина уште една пречка.
Инаку, Јотовски е рангиран како прв носител во квалификациите и утре во меч за пласман на главниот турнир ќе игра против Мајкл Зу (САД), кој денеска на убедлив начин со 6:1 и 6:0 во сетови го победи Рафаел Жентил од Бразил. Зу се наоѓа на 1.410 место на АТП ранг листата.