Јорданов: Реконструкција на пет основни и три средни училишта во Штип
Кандидатот на ВМРО-ДПМНЕ за градоначалник на Општина Штип Иван Јорданов денеска на прес-конференција најави реконструкција на пет основни и три средни училишта во Штип.
– Ќе изградиме и ќе ги подобриме условите за спорт и рекреација на повеќе од 25 спортски игралишта и две спортски сали. Ќе ја унапредиме позицијата на младите, преку зајакнување на нивниот глас во Совет на млади и инкорпорирање на идеите во локалните програми и политики. Ќе ги зајакнеме младите со отворање на Младински центар и промена на концептот на функционирање на Дом на млади, каде секој од нив преку организирани активности ќе ги развива своите лични таленти, рече Јорданов.
Со создавање систем за летен ангажман на младите, како што најави, ќе направат активна младина, за учество во работата на јавниот и приватен сектор при што ќе се овозможи укажување помош на граѓаните при извршување задачите од интерес за нив.
– Ќе го подобриме нивниот социјален живот со проекција на филмови, организација на забави, повеќе младински фестивали, организација на турнири во најразлични спортови. Ова се само дел од нашите младински проекти, со кои заеднички ќе ја создаваме новата иднина за Штип!, нагласи Јорданов.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп