Јолевски на Самитот на НАТО во Варшава
Во полскиот главен град Варшава денеска и утре ќе се одржува Самитот на Северно - атлантската Алијанса – НАТО на кој ќе присуствува и министерот за одбрана Зоран Јолевски.
Јолевски ќе има обраќање на Состанокот на министри за одбрана за платформата за интероперабилност, а се очекува да оствари и повеќе билатерални средби со своите колеги, министрите за одбрана на земјите-членки на Алијансата.
На 1 јули Кабинетот на Претседателот на Република Македонија Ѓорге Иванов информираше дека тој нема да учествува на Самитот на НАТО во Варшава, поради игнорирање на меѓународното право, пресудата на Меѓународниот суд на правдата во Хаг, геополитичките аспекти и безбедносните предизвици во регионот.
Се додека не се земат предвид овие факти, посочија од Кабинетот, претседателот Иванов нема да учествува на самити на НАТО, а Република Македонија ќе биде претставувана на ниво на министри за одбрана и за надворешни работи, пракса воспоставена од самитот во Кардиф во 2014 година.
Ново на Сител
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид