Јеменскиот претседател Хади и бутовниците Хуси се согласија за еднонеделно примирје
Меѓународно признатата Влада на Јемен и шиитските бунтовници Хуси, кои од септември минатата година ја контролираат престолнината Сана, вчера се согласија на прекин на огнот што ќе почне да важи од вечер на полноќ.
Договоорт за примирје е постигнат во предвечерието на директните мировни преговори во Женева, информираат британските меидуми.
Информацијата е потврдена и од двете страни, јавуваат американските медиуми.
Претседателот на Јемен, Абд Рабу Мансур Хади, вечер, на командантите на своите единици ќе им нареди, на пет минути пред полноќ, да ги запрат сите борбени дејствија, изјави претставник на Владата кој побарал анонимност.
-Ние го прифативме прекинот на огнот за да го олесниме страдањето на нашиот народ и да му доставиме хуманитарна помош, изјави вчера Мохамед Абдел Салам, портпаролот на шиитските бунтовници Хуси, на прес конференција во Сана.
Хусите и војниците лојални на поранешниот претседател Али Абдула Салех војуваат против јужните сепаратистички, локални и племенски милиции, сунитски исламисти и поддржувачи на Хади.
Меѓународно признатата Влада одамна сака безусловна примена на резолуцијата на Советот за безбедност на ОН, која од бунтовниците бара да ги напуштат сите региони кои ги контролираат, и да го предадат оружјето што го стекнале за време на месеците судири.
Абдел Салам изјави дека, на преговорите во Женева, кои почнуваат утре, делегацијата на Хусите ќе ја разгледа резолуцијата. Хусите засега не соотија дали ќе ги прифатат овие услови.
Во граѓанската војна во Јемен досега загинаа приближно 6.000 лица, потсетуваат британските медиуми.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци