Свет
30. October 2016 - 10:32

Јеменскиот претседател го отфрли мировниот план на ОН

Претседтаелот на Јемен, Абедрабо Мансур Хади го отфрли мировниот предлог врачен до него од посредникот на ОН, Исмаил Оулд Шеик Ахмед, изјави извор од јеменското претседателство.

Тој навел дека Хади го примил Оулд Шеик Ахмед и го отфрлил предлогот на ОН.

Содржината на мапата на патот за мир која претставникот на ОН ја дал не е објавена во јавност. Хади навел дека „мапата на патот само отвора дополнителни страдања и војна и не е пат кон мир“. Според него, тој план ги наградува пучистите и го казнува народот на Јемен.