Јавна дебата за креирање младински политики
„Градење локални капацитети за креирање младински политики“ е темата на јавната дебата што ќе се одржи денеска во Пробиштип.
Дебатата е дел од истоимениот проект, финансиран од Европската унија. Го имплементираат Фондацијата за претприемачки сервис за млади и Фондацијата Евро центар во соработка со општините Чашка, Пробиштип и Старо Нагоричане.
Учесници на дебатата ќе бидат претставници од Општина Пробиштип кои работат на креирање младински политики, претставници од граѓанските организации, како и млади луѓе од општината.
По јавната дебата во Пробиштип, до крајот на месецов ќе се одржат уште две, во Старо Нагоричане и Чашка. Целта на дебатите е разгледување на предлог-мерките од спроведеното истражување за потребите на младите во трите општини, како и дефинирање сет мерки за секоја општина. Трите општини ќе бидат директни корисници на шест пилотирани мерки директно насочени кон подобрување на состојбата на младите. Ќе се имплементираат од страна на граѓанските организации, а ќе се финансираат преку грантови од проектот.
Проектот „Градење локални капацитети за креирање младински политики“ предвидува формирање три заеднички форуми составени од претставници на општините, граѓанските организации и млади луѓе кои ќе бидат фокусирани кон дефинирање и следење на имплементација на локалните мерки.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка