Јапонија: Користејќи астероиден прав, ќе се истражува потеклото на животот на Земјата
Јапонски астрономи ќе истражуваат примероци на почва земена од далечен астероид за да се обидат да го откријат изворот на топлина што го променил тоа небесно тело.
Научниците од Јапонската вселенска агенција се обидуваат да откријат како водата испарува на астероидот, со надеж дека ќе има траги што би укажале на потеклото на Сончевиот Систем и животот на Земјата. Тие веќе тестирале 5,4 грама почва, далеку повеќе од минималниот примерок од 0,1 грам на кој се надевале.
Во декември вселенското летало „Хајабуса 2“ се врати од Вселената со примерок од почвата од астероидот Рјугу, којшто се наоѓа на повеќе од 300 милиони километри од Земјата. Топлината на астероидот надминува 300 степени Целзиусови, според научниците од јапонскиот Универзитет во Аизуа.
Сондата стапна на вселенското тело во април 2019 година, и вторпат – три месеци подоцна.
Можни траги од органска материја
Научниците, исто така, истакнуваат дека температурата под површината на една планета не може да достигне толкава висина само од топлината на Сонцето, што укажува дека астероидот Рјугу, додека бил дел од поголемо матично тело пред милијарди години, бил под влијание на внатрешно топлинско зрачење или планетарни судири.
Јапонската вселенска агенција продолжува со првичните тестирања на примероци од астероидот, а следната година се планираат и пообемни испитувања.
Научниците исто така ќе трагаат по можни траги од органска материја, во надеж дека ќе најдат некои одговори за потеклото на Сончевиот Систем и животот на Земјата.
Ново на Сител
-
Пауновски: Ако премиерот не ме разбира слободно нека ме разреши
-
УЕФА ја разгледува можноста за забрана на Јувентус и Реал Мадрид во евро-куповите следната сезона
-
Филипче: Се намалува бројот на нови случаи, попушта притисокот врз болниците
-
Филипче: Освен за помладите од 60 години за вакцината на АстраЗенека нема друга контраиндикација
-
Јавниот превоз во Скопје викендов до 20 часот
-
Османи: Односите на Скопје и Приштина добар пример за регионот кој сè уште е соочен со бројни предизвици
-
Џафери: Јас поднесов список со сите пратеници, а секој ќе одлучи дали ќе прими вакцина или не
-
Димитров: Безбедноста и стабилноста на Западен Балкан се интегрално поврзани со безбедноста и стабилноста на ЕУ