Јануари потопол од просекот, а врнежите некаде до три пати повеќе
Температурата во јануари просечно била повисока од многугодишните просеци за јануари, а врнежите во рамки на просечните вредности освен во Струмица, Охрид, Крива Паланка и Маврово каде што биле повисоки до три пати. Најниската температура е регистрирана меѓу 17 и 26 јануари во Берово од -21,8 степени, а најмногу дожд наврнало во Маврово.
Според информацијата на УХМР средната месечна темпертура во на воздухот во јануари се движела од -1,5 во Маврово до 4,7 степени во Гевгелија. Просечните температури се повисоки за 0,1 во Берово до 2,4 степени во Битола. Средните минимални температури во јануари се движеле од -6,6 во Маврово до 0 степени во Гевгелија. Освен во Берово и Крива Паланка, на сите мерни места средните минимални и максималните температури се повисоки од многугодишните просечни вредности.
Особено ниски температури се забележани на почетокот на јануари и на 24 јануари. Најниски температури се регистрирани во Берово -21,8 степени, во Маврово -17,4, во Крива Паланка -15,6 степени, во Битола -14,6 степени, во Штип -13,2 степени, во Прилеп -12,7, во Струмица и Демир Капија -12,1, во Скопје -10,9, во Охрид -10 и во Гевгелија -9,4 степени. Измерените минимални температури на воздухот во јануари не ги надминуваат досега измерените екстреми за овој месец.
Најмногу врнежи од 266 мм имало во Маврово, во Охрид 158 и во Крива Паланка 94 мм. Најголеми дневни количества врнежи дожд се забележани на 7 јануари, а на 17 јануари од дожд и снег. Од 15 до 30 јануари во земјава е регистрирана снежна покривка чија максимална висина била на 17 јануари. Во Маврово се регистрирани 46 сантиметри, 25 во Берово, 13 во Битола, 10 во Штип и Крива Паланка, 9 во Струмица, 8 во Охрид и 6 во Прилеп.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари