Тенис
6. August 2017 - 14:34

Јанг победник на вториот скопски фјучрс

Цунг-Хуа Јанг од Тајпех е победник на вториот фјучрс тениски турнир што денеска заврши во Скопје и се играше на терените на ТК „Тенис парк“. Тој во финалето за нешто помалку од три часа го победи Нино Сердарушиќ од Хрватска со 2:1 во сетови.
Првиот сет го освои Јанг со 7:6 (7:2 на поени), а во вториот Сердарушиќ беше подобар и изедначи на 1:1 (6:4 во гемови). Во решавачкиот сет беше 6:3 во гемови за Јанг.
Ова за Јанг е осма титула на фјучрс турнирите, втора во 2017 година. Јанг е „двоен победник“ на турнирот откако во петокот триумфираше и во игра на двојки заедно со Дејн Пропоџиа. на првиот фјучрс Јанг во четвртфиналето беше елиминиран од македонскиот тенисер Томислав Јотовски.
Сердарушиќ и во второто финале во Скопје исто како и минатата недела е поразен.
За триумфот Јанг ќе освои 18 поени, а Сердарушиќ 10.