-->
-->
Јанева и Боки 13 прво ќе прават увид во доказите, па ќе дадат исказ за „Рекет“
-->
Третоосомничената во случајот „Рекет“, поранешната специјална јавна обвинителка Катица Јанева, исто како и првоосомничениот Бојан Јовановски-Боки 13, вчера во Основното јавно обвинителство за организиран криминал и корупција побара да направи увид во доказите, па потоа да го искористи правото да даде исказ. Второосомничениот Зоран Милевски-Кичеец со „амин“ на ОЈО ќе биде пуштен во домашен притвор.
Адвокатката на Јанева, Ирена Фрчкоска, по излегувањето од ОЈО вчера рече дека нејзиниот клиент најпрво ќе го искористи правото да изврши лично увид во доказите, па потоа ќе даде исказ. Најави дека увидот во доказите ќе биде извршен в четврток.
– Првоосомничениот е утре, нам ќе ни биде дозволено в четврток, изјави Фрчкоска.
На Јанева утре ќе ѝ биде врачено известувањето за завршување на истражната постапка.
– Сметам дека е прекршено правото со тоа што не ѝ е овозможено да даде исказ пред завршување на истрагата, истакна Фрчкоска.
За здравствената состојба и дали т.н. црн фонд во СЈО е за да биде платен нивниот ангажман, адвокатката посочи дека денеска немале можност да разговараат со Јанева.
– Сега е добра. Таа пати од хронични болести и се наоѓа под голем стрес и притисок, што е веројатно нормално за секој човек на нејзино место, појасни Фрчкоска.
Прашана дали истрагата е завршена и за Меѓународниот сојуз, Фрчкоска рече дека, според нејзино мислење, Катица Јанева не е вклучена во истрагата за Меѓународниот сојуз и таа се однесува само за „Империја“, но сепак тоа ќе го знаат откако ќе го добијат решението за завршена истрага.
Вчера, по добиено позитивно мислење од Обвинителството, Судот ја замени мерката притвор со домашен притвор за второосминчениот Зоран Милевски-Кичеец.
Во Обвинителството ден пред Јанева на распит беше донесен првоосомничениот за „Рекет“, Бојан Јовановски. Тој беше во Обвинителството еден час, но не даде исказ пред обвинителите.
Во изминатиот период во врска со овој случај во Обвинителството сведочеа бизнисменот Силјан Мицевски, водителката Лила Филиповска и пратениците Фросина Ременски и Александар Кирацовски, како и претседателката на Собранието на Меѓународниот сојуз, Агапи Дика, и бизнисменот Зоран Азманов.
Обвинителството за организиран криминал и корупција го отвори случајот „Рекет“ во јули годинава, против Бојан Јовановски-Боки 13 и Зоран Милевски-Кичеец, за потоа истрагата да се прошири и против Катица Јанева. Сите тројца се наоѓаат во притвор.
-->
-->
-->
Ново на Сител
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција