Израелскиот министер за внатрешни работи осомничен за корупција
Израелскиот министер за внатрешни работи Арјех Дери и неговата сопруга се подложени денеска на полициско испитување во рамки на обемната истрага за корупција, јавуваат израелски медиуми, а полицијата соопшти дека испитува 14 осомничени.
Полицијата потврди дека во тек е истрага против еден „државен функционер и неговата сопруга“, но не изнесе повеќе детали.
Израелското државно радио на Твитер објави дека Дери, кој во 2002 година е ослободен, откако мина 22 месеци во затвор поради мито и проневера, влегол изутрината во просториите на полицијата за тешки злосторства со сопругата Јафа.
Приватната телегизија Канал 2 наведува дека сопружниците ги испитуваат во одвоени простории.
Весникот „Хаарец“ пишува дека Дери, како што се очекува, ќе мора меѓу останатото да објасни како ги финансирал недвижностите, кои ги купил изминатите години, како што се куќата во Сафсуфи, село во северен Израел.
Весникот додава дека полицијата испитува уште 14 осомничени, меѓу кои и генералниот директор на едно министерство.
Дери е основач на ултраортодоксната еврејска партија Шас, која е дел од десничарската коалициска Влада на премиерот Бенјамин Нетанјаху.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација