Израелската Влада легализира една еврејска населба на Западниот Брег
Израелската Влада одобри да се легализира една еврејска населба на Западниот Брег, еден ден пред парламентарните избори.
На легализирањето на населбата прво се спротивстави врховниот израелски обвинител Авихај Манделблит, токму поради изборите, но вчера се откажа од тоа.
Израелските министри едногласно се изјаснија за легализација на седница на Владата одржана во долината на реката Јордан, за која премиерот на Израел Бенјамин Нетанјаху најави анексија доколку победи на изборите.
Владата се согласи да ја „претвори дивата населба Мевот Јерихо во долината на Јордан во официјална“, стои во соопштението на кабинетот на премиерот, по седницата одржана вон Ерусалим.
Населбата се наоѓа во близина на Јерихон, главниот палестински град во плодната долина на реката Јордан, северно од Мртвото Море.
Советот на еврејските населби ја поздрави одлуката на Владата, истакнувајќи ја „големата стратешка важност на населбата“.
– Се надеваме дека тоа е почеток на израелскиот суверенитет над целиот Западен Брег, изјави Хананел Дорани, претседавач со советот.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово