Израел почна со уривање домови во предградијата на Ерусалим
Израелските сили денеска почнаа да ги уриваат зградите во близина на воените бариери во предградијата на Ерусалим, соочени со палестински протести и меѓународни критики.
Булдожери придружувани од стотина израелски војници и полицајци влегоа во Сур Бахер, палестинско село покрај источниот дел на Ерусалим, во областа која Израел ја освои и окупира во Блискоисточната војна во 1967 година. Тие влегле во селото во раните утрински часови и почнале да ги вадат жителите од нивните домови.
– Тие во два часот наутро почнаа да ги евакуираат луѓето од нивните домови и да поставуваат експлозиви во куќите и зградите кои сакаат да ги уништат, изјави комуналниот водач во селото, Хамада Хамада.
Уривањето го снимиле палестински, израелски и меѓународни активисти кои се собрале во обид да го спречат уништувањето на станбените објекти.
Израелскиот Врховен суд минатиот месец пресуди дека тие згради ја кршат забраната за градба во регионот. Рокот на жителите да ги напуштат домовите истече во петокот.
Палестинците стравуваат дека уништувањето куќи и згради во близина на оградата, ќе создаде пракса за останатите места долж бариерата, која се протега стотици километри покрај Западниот Брег под израелска окупација.
Денешните уривања се дел од долгиот спор околу иднината на Ерусалим, кој е дом за повеќе од 500.000 Израелци и 300.000 Палестинци, но и свет град на јудаизмот, исламот и христијанството.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот