Израел нема да контактира со националистичките министри во австриската Влада
Израелската Влада информираше дека ќе ги бојкотира министрите од новиот австриски владин Кабинет, кои доаѓаат од редовите на националистичката Партија на слободата на Австрија (ФПО).
Кабинетот на израелскиот премиер Бенјамин Нетанјаху најави дека тој ќе комуницира директно со новиот австриски премиер Себастијан Курц, но дека Израел нема да има комуникација со министрите за надворешни работи, внатрешни работи и одбрана и другите тројца министри кои доаѓаат од редовите на ФПО.
Причината за ова е националистичкиот карактер на ФПО, која е основана во 50-те годни на минатиот век, од поранешни нацисти и за која Израел смета дека го минимизира Холокаустот на Евреите.
Во 2000 година, кога ФПО беше дел од владејачката коалиција, Израел исто така ја бојкотираше австриската Влада, особено по изјавата на тогашниот лидер на партијата Јерг Хајдер дека нацистичка Германија имала добри економски политики.
И членките на Европската унија воведоа политички санкции кон Австрија додека ФПО на Хајдер беше дел од Владата.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела