Израел ја поздрави одлуката на францускиот парламент, според која антиционизмот е антисемитизам
Израелските власти ја поздравија одлуката на францускиот Парламент за усвојување на резолуција за антисемитизмот која го дефинира антиционизмот како еден вид омраза кон Евреите.
Националното собрание во Франција, во вторникот, изгласа Резолуција со која прифаќа дефиницијата за антисемитизам на Меѓународниот сојуз за сеќавање на Холокаустот (ИХРА), јавува израелската агенција ТПС. Според оваа дефиниција антисемитизам е „одредена перцепција за Евреите, што може да се изрази како омраза кон Евреите“, која исто така, може да биде насочена кон државата Израел
Мнозинство од 154 членови на францускиот парламент гласаше за резолуцијата, 75 против и 43 беа воздржани.
Француската влада е веќе членка на ИХРА и нејзините министерства веќе започнаа да работат во нејзина корист.
Израелскиот министер за надворешни работи Израел Кац ја поздрави оваа одлука, која, според него, „ја потврдува тезата на францускиот претседател Емануел Макрон дека антиционизмот е новото лице на антисемитизмот.“ Тој ги повика и останатите земји да ги „следат чекорите на Франција”
– Татковината на Емил Зола, кој ја предводеше борбата против антисемитизмот, застана цврсто во одбрана на правото на Евреите да живеат без страв, и претставува недвосмислена поддршка на ционизмот и државата Израел, додаде тој.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море