Изминатото деноноќие 10 сообраќајки во Скопје, пешак тешко повреден
Еден пешак се здобил со тешки телесни повреди, а седум лица со лесни телесни повреди во седум сообраќајни незгоди од вкупно 10 што се случиле изминатото деноноќие на подрачјето на Град Скопје. Во три сообраќајни незгоди е причинета материјална штета.
Од сообраќај, според податоците на СВР Скопје, полицијата исклучила еден возач кој управувал возило под дејство на алкохол, 21 возач пред да се стекнат со право на управување на моторно возило, четири возачи почетници, пет возила кои биле технички неисправни, едно возило за претовар и 21 нерегистрирани возила.
За непрописно паркирање казнети се 99 возачи, а со специјалното возило „пајак“ подигнати се 66 возила.
Четворица пешаци се казнети за поминување коловоз вон пешачки премин, двајца возачи за поминување крстосница на црвено светло, еден возач за не давање првенство на минување на пешаците на обележан пешачки премин и седум возачи за неправилно престигнување.
Санкционирани се и 12 возачи за некористење на заштитен шлем од страна на возачите на велосипед со мотор, мопед и мотоцикл, девет за неносење сигурносен појас од страна на возачите за време на управување на моторно визло и 29 возачи за користење на мобилен телефон за време на управување на моторно возило.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри