Измените на Законот за заштита од заразни болести пред Комисијата за здравство
Собраниската Комисија за здравство денеска треба да го разгледа Предлог законот за изменување и дополнување на Законот за заштита на населението од заразни болести, по скратена постапка, во второ читање, откако вчера на пленарна седница беше усвоена потребата од негово донесување.
Во образложението на предложените измени и дополнувања стои дека Законот за заштита на населението од заразни болести ги уредува мерките за спречување на појавата, рано откривање, спречување на ширењето и сузбивање на заразните болести и на инфекциите, правата и обвските на здравствените установи, правните и физичките лица, како и надзорот над спроведувањето на мерките, со цел на заштита на населението од заразни болести. Во услови за постоење на пандемија од Коронавирус COVID-19 се наметнала потреба од доредување на законските решенија во насока на предвидување на здравствени установи во кои ќе се лекуваат лицата заболени од оваа заразна болест, како и нови поголеми овластувања за надлежните инспекциски служби да вршат инспекциски надзор над мерките наредени во согласност со членот 58 став 1 од овој закон.
Министерот за здравство Венко Филипче вчера, образложувајќи ја потребата за донесувањето на законот по скратена постапка рече дека таа произлегува од зголемената потреба за почитување на превентивните мерки за заштита од корона-вирусот.
-Се додаваат неколку членови, некои се менуваат. Некои од членовите кои се менуваат практично се однезуваат на измена на дело од уредбите кои беа донесени во време на вонредата состојба а се однесуваат на институциите во кои се лекуваат. Друг значаен дел е во однос на зголемување на ингеренциите на инспекторатите, рече Филипче.
Откако овој предлог од Министерството за здравство помине на матичната комисија за здравство и на законодавно-праваната комисија, тој повторно ќе се најде пред пратениците на пленарна седница.
Предлог за измени и дополнувања на истиот закон, завчера доставила и опозицијата. По таа точка ќе се расправа на седница која ќе се одржи на 29 октомври кога ќе биде ставен и ребалансот на Буџетот. Опозицијата предлага формирање нова комсија за заштита од болести. Составот на комисијата, на предлог на Владата, да го избира Собранието, а таа се предвидува да биде составена од 11 члена: по функција ќе членуваат министерот за здравство и директорот на Центарот за управување со кризи, а останатите 9 членови би биле тројца инфектолози, двајца епидемиолози, двајца микробиолози, еден имунолог и еден интернист.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка