Изложба по повод 15 години од Договорот за сукцесија
Државниот архив на Република Македонија денеска во Музејот на македонската борба за државност и самостојност ќе ја претстави изложбата „Историја на наследството“ (Словенија и сукцесијата по распаѓањето на Југославија), која е посветена на 15 години од Договорот за сукцесија.
Изработена е од Архивот на Република Словенија во соработка со словенечкото Министерство за надворешни работи, Народното собрание на Словенија, Канцеларијата за комуникации при словенечката Влада, Националната галерија, РТВ Словенија, Фондот за сукцесија и високиот претставник на Словенија за прашања од сукцесијата.
Изложбата се состои од 13 паноа, со големина од 80 на 120 см, и два банера, на кои се прикажани повеќе документи од Фондот за сукцесија на Република Словенија, поделени во повеќе теми.
Изложбата првпат беше промовирана на 7 јуни 2016 година во Љубљана на Меѓународната конференција „Договорот за прашањата за сукцесија - 15 години подоцна“. Во Скопје изложбата ќе биде отворена за јавноста до 15 декември 2016.
Ново на Сител
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци
-
Венеција почнува да наплаќа влезници
-
ДИК објави упатство за гласање на претседателските избори
-
Избирачкиот список намален за 10 000 гласачи
-
Претседателски избори ќе ги следат 342 домашни и 568 странски набљудувачи
-
Право на глас на претседателските избори имаат 1.814.317 избирачи