Македонија
4. July 2017 - 8:57

Изложба на карикатури на тема „Демократија“ во галеријата „Остен“

Во галеријата „Остен“ денеска напладне ќе биде отворена изложба на карикатури кои учествуваа на меѓународниот конкурс за дигитална карикатура на тема „Демократија“. „Остен арт“ го спроведе конкурсот во соработка со Американската амбасада преку онлајн платформата osten4art. 

- Ќе бидат изложени карикатури на истакнати карикатуристи од светот, низ кои овие генијални умови на искрен, бескомпромисен и духовит начин ја отсликаа демократската реалност во која живееме. Ова е ретка можност за сите љубители на карикатурата и сатиричниот цртеж, како и оние на кои овој медиум на изразување им е непознат, да бидат дел од несекојдневен настан кој ќе ги разбранува или потврди нивните сфаќања за поимот демократија, соопшти „Остен“.

Изложбата е дел од проектот „Доза сатира за здрава демократија" кој беше активен во последните шест месеци преку инфо-работилници одржани во американските катчиња во Битола, Тетово, Штип и Скопје.