Изложба на француски дизајн во Музејот на современа уметност
Францускиот институт вечер во Музејот на современа уметност (МСУ) ќе организира настан насловен „Франција, земја на дизајнот“, кој ќе опфати предавање на тема „Францускиот дизајн низ примерот на познато дизајнерско студио“ и изложба на дела од француски дизајнери „Маси како уметнички слики: уметност, дизајн и традиционални творби“.
Изложбата ќе ги прикаже креациите на француските дизајнери кои работат за елитни призводители на кујнски прибор. Ќе бидат претставени дела од познати и потврдени, но и од млади француски дизајнери на современ кујнски прибор и прибор од кристал. Изложбата досега е поставена во повеќе земји низ светот и била многу посетена.
Отворањето ќе биде во присуство на Антони Лебосе, реномиран француски дизајнер, директор на студиото 5.5 во Париз, кој претходно во просториите на Музејот на современа уметност ќе одржи предавање на тема „Францускиот дизајн низ примерот на познато дизајнерско студио“.
Предавањето е отворено за јавноста и за него е обезбеден консекутивен превод. Антони Лебосе, кој е почесен гостин на настанот, денеска во Центарот за иновации и дизајн „Јавна соба“ ќе одржи и професионална средба со македонски дизајнери.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите