Изложба на фотографии и нова песна за роденденот на Тоше
Со крводарителска акција, изложба на фотографии на Тоше и промоција на негова нова песна во Спомен-куќата на Тоше Проески во Крушево денеска ќе биде одбележан 36-от роденден на македонската и балканска музичка ѕвезда, која во 2007 година трагично го загуби животот во сообраќајната несреќа кај Нова Градишка, Хрватска.
Манифестациите ги организира Фондацијата „Тоше Проески“ во соработка со Спомен куќата - музеј на Гумење во Крушево.
Во текот на целиот ден во Спомен-куќата ќе се спроведе крводарителска акција. Напладне ќе биде отворена изложбата на петнаесетина досега необјавени фотографии на Тоше, а ќе биде промовирана и инструменталната верзија на песната на Тоше „Никада“.
Во Крушево допатуваа фанови на Тоше од Бугарија, Србија, Русија... за уште еднаш да му укажат чест и почит за неговото музичко творештво и неговите хумани дела.
Во спомен на Тоше Проески денеска ќе се одржи и панихида на неговото вечно почивалиште на Гумење во Крушево.
Традиционално, по 13-ти пат во Домот на АРМ во Скопје ќе се спроведе крводарителска акција, во организација на Црвениот крст, Институтот за трансфузиона медицина и Тоше фан форум клуб.
Ново на Сител
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна