Изложба на декорации на традиционалните носии
Во Уметничката галерија во Куманово синоќа беше отворена изложбата „Мотивите - белег на традицијата“ од Надица Петковиќ, кустос во НУ Музеј Куманово.
Целта на изложбата е да го презентира мотивот како декорација кај носијата и ткаениците и уметничкото творештво на македонската жена од кумановскиот регион од минатото. Посетителите имаа можност да разгледаат 100-ина експонати од музејското депо, дел амбиентално претставени, а дел пресликани во постери.
- Кумановската јавност има можност да се запознае со мотивите и орнаментите што жената од почетокот на 20-тиот век успеала да ги прикаже сите нејзини чувства во парчето облека или ткаеница, изјави, авторката Петковиќ.
Мотивите кои жените ги употребувале за декоративниот изглед на носијата ги позајмувале од флоралниот и зооморфниот свет и од геометриските фигури.
- Авторката го прикажува фолклорот со кој изобилува нашето депо. Преовладува ромбот кој имал магиска моќ и ја презентирал плодноста кај жената. Користеле конци, боени во растителна боја и ги оплеменувале со срма и метални пари, изјави Анита Цветановска, директор на НУ Музеј Куманово. Таа додаде дека овие мотиви и ден-денес се инспирација за современите модни дизајнери и ги носи современата модерна жена.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност