Изградбата на експресниот пат Велес - Штип при крај
Изградбата на експресниот пат од Велес до Штип во должина од 26 километри е при крај. Асфалтирањето се очекува да заврши за неколку дена, а се планираат и два железнички премини за кои ќе бидат набавени и сигнални уреди и нови рампи.
Патот се градеше во три фази, од кои двете се веќе завршени, а најголем дел од работите на третата фаза од патот, која е во должина од 10 километри, се завршени. Станува збор за инвестиција од околу 15 милиони евра, средства обезбедени преку Европската банка за обнова и развој, а со пуштањето во употреба на овој експресен пат се очекува да се олесни сообраќајот на оваа делница која што е многу фреквентна.
Увид во градежните активности денеска извршија лидерот на ВМРО-ДПМНЕ Никола Груевски заедно со министерот за транспорт и врски Владо Мисајловски и директорот на Државното претпријатие за државни патишта Александар Стојановски.
Министерот Мисајловски информираше дека согласно планираната динамика се одвиваат и градежните активности на автопатот од Миладиновци до Штип каде веќе се асфалтирани 22 километри од вкупно планираните 47 километри. На овој автопат има седум клучки и неколку мостови и со него се очекува да се скрати времето на патување во овој регион.
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228