Изгаснат шумски пожар кај кочанското село Спанчево
Екипи на Територијалната противпожарна единица (ТППЕ) од Кочани претпладнево го локализираа и целосно го изгаснаа шумскиот пожар што вчера попладне избувна во околината на рамничарското село Спанчево и се прошири по падините на Осоговските Планини.
Огнената стихија, потпомогната од ветерот, брзо се проширила во правец на селото Нивичани при што изгореа над 50 хектари нискостеблеста шума, сува трева и друга вегетација. Тешко достапниот и стрмен терен ги оневозможил пожарникарите за брза и ефикасна реакција, а во гаснењето помогнале и вработени во шумската подружница „Осогово“ од Кочани.
– Интервениравме со четири возила и 12 пожарникари за да спречиме огнот да зафати и дел од објектите во селото Нивичани. Огнот бил забележан вчера нешто по 15 часот и успеавме да го локализираме околу полноќ, а рано изутрината повторно бевме на терен и целосно го изгаснавме. Убедени сме дека се работи за подметнат пожар, поради што ќе треба да реагираат и други служби, пред сè во откривањето на сторителот за да се спречат посериозни последици во иднина, истакна Благој Паунов, командир на ТППЕ – Кочани.
Припадниците на ТППЕ – Кочани упатија критика и за општествената одговорност на месното население, затоа што иако пожарот бил видлив, никој од жителите на Спанчево и околните села не ги известил за тоа, туку бил случајно забележан од пожарникар кој во тој момент по друга задача се нашол на терен.
За само две недели ова е втора поголема интервенција на отворен простор за кочанските пожарникари, откако пред десетина дена во голем шумски пожар на Осоговските Планини изгореа над 150 хектари борови, дабови и друг вид стебла.
Ново на Сител
-
Нови одрони заглавија возило на регионалниот пат М.Каменица – Кочани
-
Рокот за поднесување на ДДВ 04 продолжен до 29 јануари
-
ВМРО-ДПМНЕ: Драган Николиќ како државен секретар е еден од главните виновници зошто сеуште немаме воен претставник во НАТО
-
Кривична пријава за дебранец кој узурпирал државно земјиште
-
Пошта иницира регионална соработка и поголема ЕУ-поддршка за модернизација и поквалитетни услуги за граѓаните
-
На инфективните одделенија во земјава се лекуваат 310 пациенти, слободни кревети има
-
11 починати и 347 нови случаи на Ковид-19 во земјава
-
Русија: Интернетот и мобилните телефони во прекин за време на протести за поддршка на Навални