Свет
8. November 2017 - 19:46

Изгаснат пожарот во руската служба за разузнавање

Руската разузнавачка служба потврди дека денеска избувна пожар во нејзиното седиште во Москва, наведувајќи дека пожарот во текот на денот бил изгасен и дека никој не е повреден.

Во соопштението се наведува дека пожарот избувнал во техничкиот објект во рамки на седиштето.

Руските медиуми објавија дека пожарот избувнал во тунел во кој се наоѓаат кабли под седиштето на службата во југозападниот дел на Москва и оти тој најверојатно било предизвикан од краток спој.

Руската разузнавачка служба ги надгледува руските разузнавачки операции во другите земји, како наследник на агенцијата од советско време, КГБ.