Избрани 12-те финалисти за „Литературни искри“ - Гостивар
Жири комисијата ги избра авторите на најдобрите творби пристигнати на конкурсот за меѓународниот поетски фестивал „Литературни искри“ кој наредниот викенд ќе се одржи во Гостивар.
Како што информира организаторот на фестивалот, Центарот за култура „АСНОМ“, во конкуренција за наградите се: Симона Ристеска (Прилеп), Вања Изова Велева (Струмица), Лара Миховилович (Словенија), Кристина Мерклер (Гостивар), Ива Пуовиќ (Скопје), Марина Јовановиќ (Србија), Соња Шијаков (Штип), Цветанка Колева (Кавадарци), Фросина Тасевска (Штип), Томислав Захов (Стар Дојран), Ирена Јурчева (Скопје) и Билјана Дејаноска (Гостивар).
Изборот го направи жири комисијата во состав: Вера Чорниј-Мешкова, претседател, како и членовите Јанко и Луан Зенки, информира организационот одбор на фестивалот, а наградите се: Гран при, прва, втора и трета, како и награда за најдобар странски автор и најуспешна млада искра. Ќе се доделат плакети и книги.
Според бодувањето на жирито, дел од поетите кои учествуваа на конкурсот ќе бидат застапени во заедничка збирка што ќе се промовира на манифестацијата.
Четвртото издание на „Литературни искри“ во Гостивар ќе се одржи на 20 мај со поетско читање на финалистите и соопштување на наградените, а се организира во чест на 24 мај, Денот на сесловенските просветители.
Ново на Сител
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј