Избори за нов состав на московската Дума
Во Москва утрово почнаа изборите за градската Дума, со право на глас на 7,3 милиони граѓани. Алексеј Венедиктов, шеф на јавниот штаб за набљудување на изборите, на својот налог за Телеграм напиша дека речиси пет проценти од гласачите гласале по електронски пат во првите 15 минути од изборите.
Експериментот за електронско гласање денеска се спроведува по првпат во Русија. Окружните изборни комисии регистрираа вкупно 233 кандидати, додека регистрацијата беше одбиена за 56 кандидати.
– Околу 20 000 припадници на Федералната национална гарда ќе го обезбедуваат законот и редот за време на изборите, рече Валериј Грибакин, портпарол на таа служба.
Предизборната кампања за изборите во Москва остана во сенка на масовни протести, насилство и апсења, откако беа одбиени кандидатурите на некои политички претставници. Полицијата грубо растури два неодобрени протести, а повеќе од 2.400 лица беа уапсени.
На третиот, одобрен протест, присуствуваа околу 60,000 жители на Москва.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас