Избор на Топ 10 најуспешни менаџерки по 22-ри пат
Во организација на агенцијата „Марили“ вечерва во Скопје ќе се одржи 22. избор на Топ 10 најуспешни менаџерки во Македонија. Годишаниот избор е поддржан од министерката за труд и социјална политика Мила Царовска која ќе биде присутна и ќе им се обрати на лауреатките.
Изборот се прави од жени менаџерки од приватниот сектор. Годинашни добитнички на признанието се Пенка Мукаетова од КонсалтингИнтерГруп, Лидија Таскова-Попова „ЕСП“, Горица Дачевска ПЗУ „Др. Горица Дачевска“, Ирена Јакимовска „Комфи Ангел“, Јана Јанеска-Ристески Центар за современа ликовна уметност, Елена Табаковска „Фармаген“, Слаѓана Стаменкова „Елит Травел“, Александра Аргир од Пивара Скопје, Магдалена Трајковска-Трпевска генерален менаџер во Технолаб и Наташа Стојковска од „Витаминка“.
За да бидат дел од Топ 10-те најуспешни, треба тие да се добро прифатени во својата работна средина и тоа не само од менаџмент тимот, туку и од сите вработени, треба да бидат од различни области и дејности.
Досега се избрани 220 жени за најуспешни менаџерки во земјава. Секоја година се избираат традиционално по 10, а по повод 20 годишнината од организирање на изборот беа избрани 20 најуспеши менаџерки.
Покрај традиционалниот избор на 10-те најуспешни жени менаџерки, „Марили“ годинава по четврти пат го организира и Денот на здравјето.
Генералната менаџерка на „Марили“ Лидија Трипуноска вели дека годинава фокусот ќе биде ставен на тематскиот ден за здравјето и убавината во функција на современата жена насловен како „Дама Да“ кој ќе се одржи на 31-ви овој месец.
На едукативниот ден ќе има предавање, презентации и хуманитарна аукција на слики, а специјална гостинка е српската писателка Јелена Бачиќ Алимпиќ.
Ново на Сител
-
Излезноста до 13 часот е 26.35 отсто
-
Утре нова рунда од дијалогот Белград-Приштина
-
Во Крива Паланка излезноста на изборите до 11 часот е 24,5 отсто
-
Штипјанец и скопјанка ги фотографирале гласачките ливчиња
-
Во Велес до 11 часот излезноста на изборите е 16,34, во Чашка 15,27, во Градско 20,62 проценти
-
Ангеловски: Пронајдена испукана димна бомба на гласачко место во Скопје
-
Излезноста до 11 часот на избирачките места во Кочанско е околу 13 отсто
-
Сончево, попладне со услови за краткотраен дожд