Избегната голема трагедија: Откажала навигацијата на авионот во кој се превезувале кошаркарите на Жалгирис
Кошаркарите на Жалгирис од Каунас преживеале вистинска драма по мечот со Реал Мадрид во Евролигата кој Литванците го добија со резултат 93-96.
По полетувањето од аеродромот во Мадрид, на авионот „боинг737“ му откажала навигацијата на висина од 5000 метри по што пилотот не знаел со која брзина лета. Контролорите на летот го наведувале и го расчистиле воздушниот сообраќај за авионот да може да се врати на аеродромот.
Приземјувањето било успешно дури по третиот обид затоа што таа вечер шпанската престолнина ја погодило силно невреме.
Авионот морал да слета во воената база во Хетафе по драмата која траела 45 минути.
„Се траеше 45 минути, летавме во услови на опасност, а авионот одеднаш почна да паѓа. Слетавме по цел ужас и паника. Среќни сме што сме живи“ – рекла сопругата на играчот Брендон Дејвис.
Компанијата „Класјет“ која е сопственик на авионот тврди дека патниците не биле во опасност, но од литванскиот клуб велат дека не им било сеедно.
„Момците се среќни што успеаја да се вратат дома. Сега ни е смешно, но во воздух не беше, нималку“ рекол тренерт на Жалгирис, Шарунас Јасикевичиус.
Ново на Сител
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори
-
Преглед на вестите од светот
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори