Иванов одржа предавање на Бразилскиот центар за меѓународни односи
Претседателот на Република Македонија, денеска во Рио де Жанеиро, одржа предавање на Бразилскиот центар за меѓународни односи, CEBRI, што претставува водечки бразилски тинк-тенк.
На предавањето на тема „Европската бегалска криза - научени лекции“, како што соопшти кабинетот на Иванов, присуствувале бројни бразилски дипломати, интелектуалци и претставници на медиумите.
Во делот на прашањата и одговорите присутните се интересирале за внатрешната политичка ситуација во Македонија, соживотот помеѓу различните заедници во Македонија и на Балканот, како и за справувањето со идните бегалски закани.
Македонскиот претседател, во рамки на официјалната посета на Бразил, беше примен од страна на претседателот на Бразил, Мишел Темер. Претседателот Иванов свечено ја отвори македонската амбасада во Бразилија, што претставува прва македонска амбасада во Латинска Америка, и оствари средби со бразилски парламентарци од Федералниот и Долниот дом на Националниот конгрес.
Со предавањето на Бразилски центар за меѓународни односи, Иванов ја заврши официјалната посета на Федеративна Република Бразил, што претставува прва официјална посета на претседател на Република Македонија на Латинска Америка.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација