Иванов: Неопходно е одговорно однесување од сите вклучени во изборниот процес
Неопходно е одговорно однесување од сите вклучени во изборниот процес, бидејќи граѓаните на Република Македонија заслужуваат достоинствени избори, порача претседателот на Република Македонија, Ѓорге Иванов, при денешната посета на припадниците на Армијата на Република Македонија на граничниот премин Меџитлија во Битола.
- Граѓаните на Република Македонија заслужуваат достоинствени избори како што доликува на земја која 25 години е во демократија и спроведувала неколку изборни циклуси. Очекувам сите во натамошниот период од кампањата да се однесуваат достоинствено и како што налагаат нашиот Устав и нашите закони. Тие што излегуваат од овие рамки, не е лошо да го препрочитаат Уставот и да ги видат сите одредби што се однесуваат на државното уредување и да го имаат предвид државниот интерес, порача македонскиот претседател.
Иванов истакна дека сите кои ќе се обидат да го нарушат изборниот процес, треба да бидат санкционирани.
- За сите оние што се обидуваат било што да попречат во изборниот процес, надлежните институции не треба да имаат никаква милост, ниту толеранција. Посакувам сево ова да заврши и конечно, Македонија да го преброди овој тежок период низ кој поминува веќе две години и граѓаните да почувствуваат стабилност и просперитет, изјави Иванов.
Спроведувањето фер и демократски избори е неопходно, додаде Иванов, за Европската Унија да преземе поинаков пристап кон Република Македонија и да го сврти вниманието кон македонските евроинтеграции. - Македонија го заслужува тоа, и со осумте извештаи сме покажале дека ги исполнуваме условите да добиеме датум за почеток на преговори, изјави македонскиот претседател.
Ново на Сител
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени