Иван Јорданов го прими уверението за градоначалник на Општина Штип
Новиот градоначалник на Општина Штип, Иван Јорданов на свечена седница го прими уверението од страна на претседателот на Општинската изборна комисија (ОИК)-Штип, Виктор Вацев.
По примањето на уверението, Јорданов изјави дека вратите на градоначалничкиот кабинет и на Општина Штип ќе бидат ширум отворени во служба на граѓаните.
– Она што предизборно го ветивме дека ќе склучиме коалиција со народот денеска започнуваме со многу работа, со енергија и желба да го реализираме сето она што го имаме предвидено во нашата изборна програма и да бидеме сервис на нашите сограѓани, рече Јорданов.
Посочи дека ќе се зафати со реорганизација на локалните институции, но и да ги доврши започнатите проекти, кои со месеци чекаат да бидат реализирани. Во текот на денот ќе побара информации од градежните компании, кои ги градат конзолите на кејот на реката Отиња, потоа за реконструкцијата на улиците „Панче Караѓозов“ и „Личка“, но, како што рече, и да се реализираат проекти, со кои се обврзал пред граѓаните.
Прашан дали веќе се знаат имињата на директорите на двете штипски јавни претпријатија, Јорданов со одговор дека засега се е на ниво на шпекулации и наскоро ќе биде информирана јавноста за кадровските решенија, по направените консултации и анализи.
За општинската администрација истакна дека ќе настојува да биде сервис на граѓаните, без разлика на нивната политичка определба.
Претседателот на Општинската изборна комисија-Штип, Вацев потенцира дека граѓаните на Општина Штип во првиот круг избираа градоначалник, а што се однесува за листата на советници се чека законскиот рок за приговорите на Левица, кои беа одбиени од ДИК, но имаат право да тужат до Управниот суд.
– Ја чекаме конечната одлука на ДИК за заклучување на членовите на Совет на Општина Штип, се надеваме дека во текот на наредните денови ќе се донесе таквиот заклучок и оти ќе можеме да преминеме на една ваква свечена седница, каде што ќе ги доделеме уверенијата на 23 советници, вели Вацев.
Во штипскиот Совет според првичните резултати мнозинството го има ВМРО – ДПМНЕ со 13 советници, додека СДСМ има девет, а Левица еден советник.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка