Италијанскиот амбасадор Ромео во посета на Гевгелија
Амбасадорот на Италија, Карло Ромео, денеска со своите соработници го посети ПТЦ „Винојуг“ во Гевгелија, каде од надлежните беше информиран за моментната состојба во бегалскиот камп, а попладнево оствари едночасовна средба и со гевгелискиот градоначалник Иван Франгов.
Амбасадорот Ромео на општинската админитрација и на градоначалникот Франгов им оддаде признание за начинот на кој Гевгелија се справуваше со бегалската криза во најкритичниот нејзин период, а од неговиот домакин детално беше информиран како општина Гевгелија и Република Македонија се справуваа со големиот наплив на мигранти и тешкотиите кои се пребродија на почетокот од кризата, кога ситуацијата со бегалците тешко се ставаше под контрола.
Високиот гостин од Италија покажа интерес за економските и туристичките потенцијали, како и за можноста и поволностите за влез на странски инвеститори, при што градоначалникот Франгов му го претстави целокупниот потенцијал на општина Гевгелија, посочувајќи ги при тоа и позначајните инфраструктурни проекти финансирани од буџетот на општината и од европските фондови.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та