Италија: Средновековно село, потопено пред 25 години, можеби повторно ќе излезе на површина
Селото Фабриче ди Карегина во Италија, кое потекнува од 12. век, веќе 25 години е под вода. Но, наскоро тоа можеби повторно ќе излезе на површина…
Средновековната населба имала свои жители сè до 20. век. Се наоѓа во областа Тоскана, а првпат била евакуирана и намерно поплавена во 1946 година, при изградба на хидроелектричната брана на вештачкото езеро Ваљи. Половина век подоцна, тоа целото потонало.
Потонати под 34 милиони кубни метри вода, скоро непроменетите градби и зданија на напуштеното село, вклучувајќи камени куќи, мост, гробишта, како и црквата Сан Теодоро, сè уште се гледаат, но само кога браната се празни поради одржување. Според тамошните надлежни за туризам, ова се случило само четирипати откако селото било поплавено – во 1958, 1974, 1983 и 1994 година.
Езерото денес има улога на резервоар за вода во случај на пожар. Во своја Фејсбук-објава, Лоренца Џорџи – ќерка на поранешниот градоначалник на општината Илио, Доменико Џорџи, посочи дека тоа може да биде исушено догодина. Властите веќе неколку години се обидуваат да го испразнат езерото и да го вратат уништеното село на површина, оти така би се решиле многу прашања околу туризмот и отворањето нови работни места.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка