Италија: Поплави, силен ветер на север и пожари на југ
Централниот и северниот дел на Италија ги зафати невреме со силен ветер, обилни врнежи и молњи, а реките и потоците надојдоа преку ноќ се излеаја од коритата и поплавија патишта, куќи и подруми.
Во туристичкиот камп „Маша Марина“, на брегот на Тиренското Море, ветерот собори дрво високо четири метри кое падна на шатор во кој било петчленото семејство. Тригодишно девојче починало на самото место, а две постари ќерки се повредени. Според некои медиуми, починало и 14-годишно девојче.
Во Милано, силен ветер однесе кров на зграда за стари лица, нивото на водата на локалните реки е под постојана контрола поради опасност од излевање, а во северната провинција Венето се бара еден млад човек кој исчезнал откако се излеала локална река.
Во Верона и околината, според изјавата на конзорциумот на земјоделски производители „Колдироти“, обилните дождови со ветрот „предизвикале непроценлива штета на земјоделството“.
И додека северот на Италија е погоден од силни ветрови, дожд и надојдени реки, на Сицилија горат пожари. од вчера голи голем дел шума. Поради високите температури и силниот јужен ветер, пламенот се прошири на површина од околу илјада хектари.
На Сицилија летните пожари се честа појава и во повеќето случаи се подметнати, бидејќи откако пожарот ќе ги уништи шумите, се шпекулира со земјиште што се претвора во плантажи или за изградба на туристички одморалишта.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот