Италија: Менеџерот благовремено предупредил за можна лавина во „Риџопиано“ хотелот
Бруно ди Томасо, менаџерот на италијанскиот хотел Риџопиано, што минатата недела го затрупа лавина, изјави дека благовремено пред несреќата испратил предупредување до надлежните со повик да бидат подготвени за евентуална интервенција, и дека гостите се вознемирени и не сакаат да останат во објектот.
Ди Томасо нaгласил дека пред лавината, во средата, испратил мeил до градоначалникот Фариндоле и шефот на полицијата во провинцијата Пескара со предупредување дека гостите се преплашени од незапирливите земјотреси.
- Се обидовме да ги смириме, но не се во можност да си заминат бидејќи патиштата се блокирани и поради тоа се подготвуваат да ја поминат ноќта во автомобилите, истакна Ди Томасо.
- Околу хотелот има два метри снег и во моментов се зафатени 12 соби, без оние на персоналот, пишува во споменатиот меил.
Предупредувањето на Ди Томасо го објавија италијанските медиуми, додека спасувачите ја продолжија истрагата за уште 23 исчезнати лица од „Риџопиано“ хотелот.
Имено, при лавината настрадаа најмалку шест лица.
Лавина тешка околу 120.000 тони удри во луксузен хотел со брзина од 100 километри на час.
Ново на Сител
-
Претседателски избори
-
Тема на денот со Ненад Марковиќ, универзитетски професор
-
Владата одлучи: Деновите за гласање ќе бидат неработни за сите
-
Партиите потпишуваа кодекс за фер и демократски парламентарни избори
-
Османи лично решил Македонија да биде коспонзор на резолуцијата за Сребреница
-
ЦГК: Училиштата трошат 10 милиони евра пари на родителите без отченост и транспарентност
-
Кавга меѓу Арсовска и Костадиновска Стојчевска: Министерката ќе ја тужи градоначалничката
-
Приватните специјализанти извисија - Решение после избори