Италија ја совлада Турција на отворањето на ЕУРО2020
Пред 23.309 гледачи на „Олимпискиот стадион“ во Рим, репрезентацијата на Италија вечерва ја совлада Турција со 3:0 (0:0) во воведниот натпревар од 16. Европското фудбалско првенство.
Италијанската иницијатива во првото полувреме изроди само една сериозна шанса за гол, но турскиот чувар на мрежата Чакир Угурчан го одбрани ударот со глава на капитенот Џорџо Кјелини во 22. минута.
Доминацијата на домаќините вроди со плод набрзо по паузата кога турскиот дефанзивец Мерих Демирал со автогол во 53. минута и донесе водство на Италија, а 13 минути подоцна Чиро Имобиле го удвои водството со својот 14-ти гол во дресот на Азурите.
Конечниот резултат за убедлив старт на Италија на ЕУРО2020 го постави Лоренцо Инсиње во 79. минута.
Во вториот натпревар од воведниот коло во групата А, утре играат Велс и Швајцарија, со почеток од 15 часот.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот