Спорт плус
20. September 2021 - 8:32

Италија ја победи Словенија во финалето на Европското првенство во одбојка

 Во финалето на Европското првенство во одбојка одиграно синоќа во Катовице, репрезентацијата на Италија ја совлада селекцијата на Словенија со 3:2. Резултатот по сетови: 22:25, 25:20, 20:25, 25:20 и 15:11.

Ова е прв трофеј од еврошампионатите за „азурите“ по 16 години и вкупно седма титула.

Италијанците триумфираа шест пати помеѓу 1989 и 2005 година. Покрај тоа, во нивната колекција медали имаат и четири сребрени и три бронзени.

Капитенот на Италија, Симоне Џанели беше прогласен за најкорисен играч на турнирот.

Словенија мораше повторно да се задоволи со среброто, откако го стори тоа во 2015 и 2019 година.

Во мечот за 3. место на 32. Европско првенство кое се играше во четири држави, домаќинот на завршницата, Полска ја победи Србија.