Италија: 97 смртни случаи за еден ден, 1.797 новозаразени од корона вирус
Во Италија од новиот коронавирус досега починаа 463 лица, односно 97 повеќе од вчера. И, бројот на заразени се зголеми за 1.797 за 24 часа, така што вкупно 9172 лица се заразени во земјата, изјави италијанскиот комесар за здравство Анџело Борели.
Според тие податоци, 333 луѓе починале само во регионот на Ломбардија, а заразени се 5.469.
Во болниците има 2.820 лица, од кои 440 се на интензивна нега. Борели рече дека 724 лица оздравеле во меѓувреме, пренесува АНСА.
Во Италија, бројот на смртни случаи и заразени со вирусот драматично се зголеми и покрај воведувањето на карантини во Ломбардија и други области на северот и новите радикални мерки на Владата за борба против ширењето на коронавирусот.
Италијанскиот премиер Џузепе Конте оцени денеска дека Италија го прожувува својот намрачен момент, но изрази увереност дека доколку се почитуваат правилата земјата ќе ја надмине ситуацијата.
– Ова е нашиот најмрачен час, но ќе го надминеме, изјави Конте за весникот „Република“.
– Имаме две цели – да се спречи ширење на вирусот и да се зајакнат здравствените структури за да го надминеме овој предизвик, истакна Конте. Тој ги повика сите региони ефикасно да ги спроведуваат мерките на Владата.
Што се однесува на борбата на економски план, Конте посочи дека Италија ќе мора да примени „силна шок терапија“ и оти ќе биде потребен ефикасен план за обнова во сите области.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка