Истражување: Македонците најнесреќни во регионот
Истражување за мрежата SDSN при Обединетите нации покажува дека Македонците се најнесреќен народ во регионот.
Македонија, од вкупно 150 земји, е на 94-то место. Со тоа, нашата држава според индексот на среќата е последна во регионот и најнесреќна од земјите од поранешна Југославија.
Од државите од екс Југославија најсреќни се Словенците кои се на 29 место, Косово на 33, Србија на 48, Хрватска на 60, Босна и Херцеговина на 64, Црна Гора на 72 и најнесреќни се Македонците на 94 место.
Последни на листата се Руанда, Зимбабве и Авганистан.
На врвот се Финците и тие се најсреќен народ. Финска и покрај пандемијата на коронавирусот, го одбрани името за најсреќна држава во светот и е на прво место четврта година по ред.
По Финска следат Данска, Швајцарија, Исланд, Холандија, Норвешка, Шведска, Луксембург и Нов Зеланд, а на 10 место е Австрија.
Класификациите се засноваат на статистичките податоци од истражувањето на „Галуп“, за тоа колку самите граѓани се чувствуваат среќни. Потоа се земаат фактите како што се бруто домашниот производ (БДП) по глава на жител, очекуваниот животен век на граѓаните, слободите кои ги уживаат, перцепцијата на корупцијата во владата и економските субјекти.
Истражувањето спроведено за мрежата SDSN (Sustainable Development Solutions Network) при Обединетите нации, објавено е пред Светскиот ден на среќата кој се одбележува во сабота, 20-ти март.
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај