Истражување: Луѓето кои се негативни на тестот за коронавирус сè уште може да имаат некој имунитет
Луѓето кои се негативни на тестот за коронавирус сè уште може да имаат некој имунитет, покажува најново истражување направено во Шведска.
На секое лице кое е позитивно на антитела доаѓаат две кои имаат специфични Т-келии кои ги идентификуваат и уништуваат заразените клетки, пренесува Би-Би-Си.
Ова е видено дури и кај луѓе кои имале благи симптоми на Ковид-19 или воопшто немаат никакви симптоми. Сепак, сè уште не е јасно дали станува збор за заштита само за индивидуата или може да ги спречи да го пренесат вирусот на други.
Научниците од Институтот Каролинкс во Шведска тестирале 200 лица и за антитела и за Т-клетки. Некои биле крводарители, додека други биле од групата луѓе кои биле првите случаи во Шведска, претежно оние што се вратиле од области како што е северна Италија.
Ова би можело да значи дека поголема група има одредено ниво на имунитет кон Ковид-19 отколку што покажуваат податоците добиени од тестирањето на антитела.
Антителата служат за неутрализирање на вирусот веднаш штом ќе влезе во телото. Ако не успеат, тој може да влезе во ќелиите и да ги претвори во фабрики за производство на вируси.
Т-клетките, од друга страна, ги напаѓаат веќе заразените клетки и целосно ги уништуваат, спречувајќи ги да се шират во други, поздрави клетки.
Ново на Сител
-
Дали и кај нас има ,,сексуални предатори‘‘ - што велат експертите?
-
Како да се отстранат старите, нерегистрирани или хаварисани возила од скопските паркинзи?
-
Тема на денот со Царовска: Реформи, бојкот и ново полугодие
-
АМС бара ФФМ да го почитува Законот за спорт
-
Фетаи побара ослободување на еден и доживотен затвор за сите останати обвинети во Монструм
-
Ново полугодие со нов средношколски бојкот
-
Ќе има ли транспарентна собраниска расправа за новата образовна концепција?
-
Како вакцините од Србија ќе дојдат во Македонија без регистрација?