Свет
10. October 2018 - 14:14

Истражувач пробал да „готви" на екстремно ниските температури на Антарктикот, а резултатите се нереални

Циприен Версо е астробиолог и глациолог кој моментално работи на најоддалечената научна база на светот - базата Конкордија на Антарктикот. Дури и Меѓународната вселенска станица која е 400 километри над Земјата е поблиску до цивилизацијата отколку ова место.
 
Кога не работи на научни истражувања, Циприен води блог за своите искуства и животот во ваквите екстремни услови. "Девет месеци во годината не може да се дојде ниту отиде од ова место. Толку е студено што не можат да поминуваат ниту возила. Моментално тука сме 13 луѓе - научници, техничари, готвачи и лекари", раскажал Версо за "Bored Panda". 
 
"Ова е најстуденото место на Земјата каде температурата може да достигне и до -80 Целзиусови степени. За прв пат видовме сонце во август по три месеци. Воздухот тука е исклучително сув и со слаба концентрација на кислород", раскажал тој.
 
Меѓутоа, и покрај екстремните услови во кои тој живее, истражувачот секогаш пронаоѓа начин како да се забавува. Имено, тој пробал да "готви" на екстремните температури, а од фотографиите кои ги споделил на својот Твитер профил се гледа како се "однесува" храната на толку ниски температури.
 
Неговите објави веднаш станале вирален хит, а кога ќе ги погледнете ќе ви стане јасно и зошто.